Item vrancke van halen scouth(eit) van turnhout ter/ eenre zijden en(de) peter vanden goudeberge sinte pet(er)sman/ ter ande(re) hebben hen vanden geschille(n) die zij tege(n)
//
malcande(re)n uuytstaen(de) hebben van div(er)sen vreemde(n)/ hantteringe(n) die de scouth(eit) over den voirs(creven) sinte pet(er)s/ manne te kynne gegeve(n) heeft van met geladen(en)/ bogen gescoten te hebben ende ande(re) d(aer)af hij vande(n)/ gerichte alhier gedeclineert heeft mits dien dat/ geschiet soude zijn en(de) de voirs(creven) s(in)[te] pet(er)sman van/ dien in calangien gesteken ende oic van dat de/ selve s(in)[te] pet(er)sman voir den selve(n) ae(n)nemen(e) hem/ v(er)loeft soude hebbe(n) ter bancken rechte en(de) ten heylige(n)/ gezwo(r)en en(de) oic alle vrijdich(eit) gerenu(n)cieert al voir/ ende eer hij de selve vrijdich(eit) aengenome(n) hadde/ des hij hem waerheit vermat En(de) ter ande(r) zijden/ van dat de selve s(in)[te] pet(er)sman inden ae(n)taste ge/ quetst en(de) gewont soude zijn geweest en(de) o(m)behoirlijc/ gehanteert en(de) des dien e(n)nichssins aencleeft oft/ dair uuyt meer ter eenre oft ter ande(r) zijden ge/ spruyt mach zijn als de selve scouth(eit) gelijc voi(r)e/ hier af ynde banck voir meye(re) en(de) s(in)[te] pet(er)sma(n)nen/ van loven(e) gelijc voi(r)e trenvoy v(er)socht heeft en(de)/ eer de selve s(in)[te] pet(er)sman op tselve re(n)voy geant/ weert heeft gesubmitteert en(de) v(er)bonde(n) in segge(re)n/ en(de) mynlike yffene(re)n Te weten(e) de voirs(creven) scouth(eit)/ in willem(me) walsscharts en(de) pete(re)n jan diericx scepen(en)/ van turnhout ende de voirs(creven) s(in)[te] pet(er)sman in/ cornelijse portene(re) en(de) marcelise calens in sulker/ vuegen dat p(ar)tien elc van hue(re)n gebreken infor/ macie doen sullen den voirs(creven) segge(re)n bynne(n) acht/ dagen naistc(omende) mu(n)delinge En(de) die gehoirt ende/ oic dantw(eer)den die alsdan ter stont elc huerer/ op des and(er)s opdoen en(de) gebreken doen sal sulle(n)/ de segghers oft behoeft bynne(n) acht dage(n) d(aer)nae/ informacie en(de) cleernisse neme(n) van des bij/ geleet en(de) ontkint wordt ter eenre oft ter/ ande(r) zijden ende dae(re)ntynde(n) hue(r) uuytsprake/ doen op dat zijs eens zijn bynne(n) xiiii nachte(n)/ nae paesschen oft inden gevalle(n) zij des niet/ eens en wordden dat zijs goetstijts bynne(n) den/ selve(n) tijde alle vie(re) eendrechtelijc eenen
//
overman neme(n) sullen die zijne uuytsprake/ d(aer)af doen sal bynne(n) den selve(n) xiiii nachten/ p(ro)mitten(tes) ratu(m) elcx huer(er) op eene(n) banduyn van/ xxv croone(n) half tot ons gened(ichs) hee(re)n behoef/ en(de) half den hee(re) d(aer)onde(r) de gebreckelike bevo(n)den/ sal wordden en(de) oft e(n)nig(er) p(ar)tien segge(re)n gebraken (et)c(etera)/ Cor(am) berghe berghe m(ar)cii xiii