Hier nae volght de tenu(r)e vande(n)/ avise en(de) co(n)cepte der stadt/ meest(er) d(aer) voi(r)e af geruert wordt/ Om u eerbe(re) wijse ende voirsienige hee(re)n scepen(en) ende/ raet der stadt van loeven(e) te moege(n) informe(re)n en(de) advise(re)n/ vande(n) differe(n)cien ende gebreken uutstaen(de) tussche(n) hee(re)n/ woute(re)n henricx prooft van mabeugen t(er) eenre ende/ willem(me) cluetincx no(ta)ris vand(er) univ(er)siteit t(er) ande(r) zijden/ uut saken van huer(er) beyd(er) erve(n) bij een gelege(n) inde/ nieustrate [van] welken gebreken de voers(creven) p(ar)tijen eene/ wijle tijts in questien gehangen hebben soe segge(n)/ de stadt meest(er)s uwer hee(re)n dieners opde navolgen(de)/ vier pointe(n) d(aer)af questie geweest es des hier nae/ volght Inden iersten aengaen(de) va(n)den gerieve dat will(elmu)s cluetinck/ soude doen den proofst om zijn huysinge(n) en(de) erve
//
te moege(n) repare(re)n decken plecken (et)c(etera) en(de) om de instrume(n)te(n)/ d(aer) toe dienen(de) te moege(n) stelle(n) op will(em)s erve es dadvijs der/ selv(er) meeste(re)n dat soe wa(n)neer e(n)nige erve(n) bij een liggen(de)/ hebben(de) tsame(n) tussche(n) beide e(n)nige plaetse die gemeyn es/ dat dan oepeni(n)ge van rechs wegen moet gebue(re)n den/ ghene(n) die des behoeft om de reparacie(n) te doene Ende/ dat soe wa(n)neer gheene gemeyne plaetse ald(aer) en es dat/ dan een out h(er)come(n) es ende costume dat deen gebue(r)/ den ande(re)n gerief doet tot nootlijcken rep(ar)acie(n) dieme(n) van/ eld(er)s niet doen en mach ende dat nochtans dat geschien/ sal sond(er) den gebue(re) e(n)nighe scade te doene en(de) ofter/ e(n)nige gedaen werde datme(n) die r(e)pare(re)n sal/ It(em) aengaen(de) der cruysvinste(re)n staen(de) inde(n) muer des voers(creven)/ meest(er)s wout(er)s acht(er) in zijn eedcame(re) ten erve weert/ van will(em)s cluetinck d(aer) tegen oft ane will(el)mus couwoirde(n)/ hadde geplant (et)c(etera) welke vinste(re) meest(er) jan van beringen/ hadde doen maken ten tijde dat beyde erve(n) hem toebehoirde(n)/ dwelc gebuert mach zijn sedert den ja(r)e van lxxi d(aer)op/ segge(n) der stadt meeste(re)n en(de) es hue(r) advijs dat meester/ jan van beringen ten tijde als hem beyde de erve(n) toebehoirde(n)/ wel mocht doen maken de vinste(re) die d(aer) staet en(de) alle/ ande(r) gerief tot zijne(n) appetijte Mair oft soe wa(r)e dat/ zij nu gemaict soude wordde(n) soe soude de selve/ vinste(re) moete(n) gestelt wordde(n) te weten(e) den dorpel/ vander vinste(re)n vii voeten hooge bove(n) den gront va(n)d(en)/ came(re)n bynne(n) en(de) de selve vinste(re) met yse(re)n g(ar)den/ soe bij een stellen dat beyde de erve(n) vry moegen/ wesen en(de) ter ande(r) zijden soe en soude dlicht va(n)d(er) selv(er)/ vinste(re)n niet moege(n) benome(n) wordden met e(n)nige(n)/ boome(n) couwoirde(n) oft ande(re)n stucken het en wa(r)e/ met werckelike(n) edificie(n) den rechte genoech zijnde
//
It(em) aengaen(de) den osydruppe en(de) den waterval van huer(er)/ beyd(er) huysen besundert yerst alsoe verre als will(el)m[(us)]/ huys gaet en(de) niet voirde(r) es der meeste(re)n advijs/ want will(em)s cluetincx huysingen vanden osydruppe/ yerst gemaict zijn geweest en(de) van oude(re)n edificien/ dan dand(er) huys dat de gote alleene will(elm)o/ toebehoirt en(de) sculdich es te volgen(e) want die op zijn/ erve leeght d(aer) beyde de osydruppe(n) nu inne vallen/ en(de) dat meest(er) wout(er) ald(aer) gheene(n) osydrup sculdich/ en es te hebben(e) want hij jonger es en(de) ov(er) lange(n)/ tijden hij ald(aer) gheene(n) osydrup gehadt en hadde En(de)/ als vande(n) osydruppe desselfs meest(er)s wout(er)s acht(er)weerts/ en(de) van will(em)s huyse welken osydrup valt te will(em)s/ hove weert es dadvijs der voers(creven) meeste(re)n dat meest(er)/ wout(er) dien osydrup ald(aer) behoude(n) sal gem(er)ct dat/ hij ald(aer) oud(er) van edificie(n) en(de) ty(m)meri(n)gen es want/ will(elmu)s ald(aer) gheen en heeft ende sal de selve/ meest(er) wout(er) dien osydrup leyden alsoet hem/ goetduncken sal behalve(n) nochtans dat will(el)m[(us)]/ d(aer) bij gheen scade oft hinder en hebbe/ It(em) want der stadmeeste(re)n advijs es geweest dat/ de goete tussche(n) huer(er) beyd(er) huyse liggen(de) toebehoirt/ alleene cluetingen dat d(aer) om oick de selve will(elmu)s/ dwat(er) van zijne(n) huyse comen(de) sal alsoe moete(n)/ leyde(n) dat hee(re)n woute(re)n d(aer) bij gheen ongerief en/ gebue(re)/ Der stadt meeste(re)n hebben doen vise(n)te(re)n den scepen(en)/brief brieve(n) ende ande(re) stucken bij p(ar)tijen gep(ro)duceert/ en(de) in al des voers(creven) es huer beste gedaen nae recht/ behalve(n) nochtans uwer hee(re)n scepen(en) van loeven(e)
//
correctie mi(n)de(re)n ende meerde(re)n alsoe u dat goetdu(n)cke(n)/ sal Bidden(de) dit te willen verstaen nae hue(r)/ sympel advijs ende ov(er)bringen