Tusschen anthonijse robbijns die alhier bescreve(n)/ hadde met brieve(n) van des(er) stadt de scepen(en)/ van neufsart om van hen te hebben(e) ouvreture/ van hue(re)n coffre ende lectu(r)e oft copie van/ seke(re)n brieve(n) soe v(er)re men e(n)nige daer bynne(n)/ bevonde aengaen(de) reyne(re) wilen aggrapart/ zijne(n) swag(er) tot wiens goede hij geleydt was/ om hem d(aer)mede in rechte te moege(n) weten te/ behulpe(n) ter eenre ende de voirs(creven) scepen(en) die mits/ dat zij ond(er) thootvo(n)nisse van nivele wa(r)en gesete(n)/ ende oic dat zij van geliken te doen(e) noyt en/ hadden bedwongen geweest dan met brieve(n)/ uuyt(er) cancelrien van braba(n)t sustineerde(n) dat zij/ dat niet sculdich en souden sijn te doen(e) het en/ wa(r)e dat hen dat met rechte alhier uuytge/ sproken ende get(er)miniert wordde ter ande(r) zijden/ Es get(er)mineert dat de voirs(creven) scepen(en) den selve(n) anth(onijse)/ tot zijne(n) coste sullen doen hebben ouvretu(r)e van/ hue(re)n coffre en(de) lectu(r)e vanden brieve(n) voirs(creven) om he(m)/ d(aer)nae moege(n) regule(re)n Eisd(em)