Alsoe als ten vervolge wouters van hoochstrate(n)/ geleydt zijnde nae den rechte van des(er) stadt uuyt/ crachte van scepen(en) brieve(n) van loven(e) tot alle/ den goeden beyde have en(de) erve jacops de scoe/ make(re) en(de) gheerts zijns soens soe waer die gelege(n)/ zijn gescreve(n) es geweest met brieve(n) van des(er) stadt/hem alle de se aen alle officie(re)n hem alle de selve/ goede te leve(re)n en(de) te doen volgen Ende den voirs(creven)/ p(er)sone(n) oft zij tegen de voirs(creven) leveri(n)ge yet hadden/ willen allege(re)n dach van van rechte alhier te/ co(m)pare(re)n op heden dyenen(de) inde banck voir meye(re)/ en(de) scepen(en) van loven(e) doen besceyden ald(aer) de voirs(creven)/ p(er)sone(n) noch nyema(n)t van zijne(n) wegen en zijn geco(m)/ pareert den voirs(creven) woute(re)n co(m)pare(re)nde en(de) trecht voirt/ versueken(de) Soe hebbe(n) de scepen(en) van loven(e) yerst/ ae(n)gehoirt pauwelse bierman bode van des(er) stadt/ die cleerde bij zijne(n) eede de leveri(n)ge en(de) dachbesceydi(n)ge/ bijden offic(ie)rs van bossuyt en(de) van grave gedaen te/ zijne ter maniss(en) smeyers gewesen voir een vo(n)nisse
//
datme(n) den voirs(creven) geleidden vande(n) voirs(creven) goeden/ houden soude inde macht van zijne(n) scepen(en) brieve(n)/ soe verre het noch voir hen scepen(en) comen es/ Cora(m) eisd(em)