Vand(er) aenspraken die (christ)iaen theeus gedaen/ heeft inde banck voir meye(re) en(de) scepen(en) van/ loven(e) op en(de) tegen roelande van boxele porte(r)/ van des(er) stadt doende segge(n) met zijne(n) geleverde(n)/ voirsprake dat onlancx leden de voirs(creven) p(ar)tien/ gebue(re)n zijnde en(de) bij een woenen(de) te melle als/ des voirs(creven) roelants beesten wa(r)en hem afgepant/ ter instan(cien) jans de bressel en(de) voir seke(re) scult/ die hij hem sculdich wes was de voirs(creven) roel(ant)/ aen den voirs(creven) (christ)iane ae(n)legge(re) begheerde dat/ hij woude gaen v(er)neme(n) vand(er) scult d(aer)voi(r)e/ zijne beesten wa(r)en gepa(n)t en(de) soe vele doen/ dat zijne beeste(n) wed(er) thuys quame(n) dat de/ voirs(creven) (christ)iaen use(re)nde van goed(er) trouwe(n) dat
//
alsoe hadde gedaen ende hem selve(n) d(aer)voi(r)e/ verloeftt oft anders en soude(n) de voirs(creven) beeste(n) niet/ hebbe(n) geweest o(n)tslagen en(de) wa(n)t ten dage d(aer)toe/ genome(n) de betalinge bijde(n) voirs(creven) roelande/ niet en wordde gedaen soe dat behoirde wordde/ den voirs(creven) (christ)iane zijne beeste(n) he(m) d(aer)voi(r)e afgepa(n)t/ Ende ten dage van rechte qua(m) de voirs(creven) roela(n)t/ hem seggen(de) porte(r) van loven(e) bruessele sonder/ voirde(r) de sake te v(er)antw(eer)den(e) alsoe dat des/ voirs(creven) (christ)iaens peert geco(n)da(m)pneert was v(er)cocht te/ wordden alsoe dat hij (christ)iaen d(aer)voi(r)e hadde moete(n)/ betale(n) sesse licht guld(en) sond(er) de coste(n) d(aer)op gedae(n)/ en(de) als de voirs(creven) (christ)iaen om te hebben r(e)stitucie/ den voirs(creven) roelande d(aer)voi(r)e heeft doen hachte(n) heeft/ hij sesse dage(n) d(aer) gesete(n) hebben(de) hem yerst porte(r) van/ des(er) stadt geallegeert dwelc hij al p(rese)nteerde te/ thoene(n) Hopen(de) voir zijne co(n)clusie bekint oft gethoe(n)t/ dat roela(n)t gehoude(n) soude zijn hem r(e)stitucie te/ doen(e) vand(en) voirs(creven) vi lichtguld(en) met coste ende/ co(m)me(r) die hij d(aer)o(m)me heeft moete(n) gelde(n) ende/ betale(n) D(aer)op de voirs(creven) roela(n)t antw(eer)den(de) en o(n)tkinde/ niet hij en hadde den voirs(creven) (christ)iane gebede(n) ende/ gesonden soe voirs(creven) es mair seyde dat hij soe/ vele niet sculdich en was en(de) en gedroech zijne/ scult mair v licht guld(en) ii st(uvers) en(de) hij hadde/ gesedt ond(er) wet ald(aer) v guld(en) iii st(uvers) om die/ d(aer)aen te neme(n) d(aer)mede hij behoirde te gestaen(e)/ wa(n)t hadde hij meer geloeft oft betailt dan hij/ sculdich was dat en conste ten laste des voirs(creven)/ roelants niet gecome(n) met meer woirden/ van beide den p(ar)tien geallegeert Es gewesen/ met vo(n)nisse der scepen(en) van loven(e) ter maniss(en)/ smeyers dat de voirs(creven) roelant gehoude(n) sal sijn
//
den voirs(creven) (christ)iane opte leggen(e) tghene des hij/ voir hem heeft betailt met alle(n) coste(n) ende/ lasten in sca(m)pno cor(am) om(n)ibus de(m)pto pynnock/ m(ar)cii viii