Item beatrijs del porte woenen(de) te love(n) cu(m) tuto(r)e in p(rese)ncia/ heeft gekint en(de) gelijdt hoe wel den vi[ten] dach van/ dece(m)ber a(n)no lxxxvi lestleden wille(m) thuy inde(n) name/ ende tot behoef van hue(r) ontfing guedinge en(de)/ vestich(eit) inden hof vande(n) eygen(en) van bye bij grave(n)/ van ja(m)motte sone jaddars van bossuyt van eene(n)/ derdendeele van eene(n) boend(er) lants gelege(n) tusschen/ gottekem en(de) bossuyt tussche(n) de goede der p(re)dike(re)n van/ loven(e) ter eend(er) zijde(n) en(de) jehan maco van bossuyt/ ter ande(re) gelijc scepen(en) brieve(n) d(aer)mede de selve jamot/ tselve erve v(er)creech dat claerlijc uuytwijsen ende/ begripen dat zij nochtan vanden selve(n) goede(n) noyt/ hellinck noch pe(n)ni(n)ck en gaf mair dat de voirs(creven)/ willem die selve heeft betailt wair o(m)me zij den/ selve(n) willem(me) heeft ov(er)gegeve(n) gecedeert en(de) getransporteert/ alle tselve recht p(ro)prieteyt en(de) actie dat zij inde/ selve goede heeft oft hebbe(n) mach Geloven(de) den selve(n)/ willem(me) vanden selve(n) hue(re)n rechte p(ro)prieteyte ende/ actien goede guedi(n)ge en(de) vestich(eit) te doen(e) talle(n) tijden/ als hij des aen huer beghe(re)n ende versueke(n) sal/ voir meye(re) ende scepen(en) van loven(e) ten coste des/ voirs(creven) willems Et tantu(m) Cor(am) g(odefrido) berghe vynck/ marcii x