Op heden xix[te] daechs april(is) a(n)no xciiii nae paessche(n)/ nae dien jan roelofs geheete(n) blaujan te div(er)sen stonden/ geweest heeft bijden raide vand(er) stadt te kinnen/ gevende hoe dat kathlijne wijlen sedele(re) huysvr(ouwe)/ jans wijlen de langhe g(er)truyden zedele(re) huysvrouwe/ des voirs(creven) jans roelofs in hue(re)n testamente vand(er)/ daet m cccc lxxvi de neghenste indictie des sat(er)daichs
//
des sat(er)daichs xxviii[te] daechs van september geteekent/ bij gabriel hans notar(is) gelate(n) heeft en(de) gemaect bij/ consente des voirs(creven) wijlen jans de lange alle hue(r) clede(re)n/ cleynheide(n) doecken en(de) alle ande(re) juwele(n) hoedanich die/ wa(r)en oft genoemt mochte(n) wordde(n) tot hae(re)n live/ behoe(re)nde ter stont nae hue(r) doot te aenveerde(n) en(de) te/ hebben Ende dat al eist soe dat de pe(n)ni(n)gen die/ vand(en) voirs(creven) legate(n) zijn gecome(n) behoirde(n) geappliceert/ en(de) bekeert te wordde(n) tot orbo(r)e en(de) proffijte der voirs(creven)/ g(er)truyde(n) vercreech mette(n) penni(n)gen en(de) nyeman(de)/ anders dat nochtans dien niet tegenstaen(de) henr(ic)/ wijle(n) van loete(re) corts daer nae te weten(e) opte(n) ix[ten]/ dach van januar(io) a(n)no lxxvii als mo(m)boer der voirs(creven)/ g(er)truyde(n) vercreech mette(n) penni(n)gen vand(en) voirs(creven) legate/ tegen ja(n)ne zeghers en(de) lijsbeth van bolloe zijne(n)/ wive xxxiii stuv(er)s een plecke erflijcker rinte(n) die/ de selve gehuysschen hadde(n) vercreege(n) tegen ja(n)ne van/ beerge op seke(re) goede(n) gelege(n) opde oude cleermarct/ met scepen(en) brieve(n) van loeven(e) vand(er) daet xiiii[c]/ lxxv septembr(is) xiiii Ende dat de voirs(creven) henr(ic)/ als mo(m)boer gaende ter goeder trouwen en(de) meyni(n)g(en)/ inde brieve(n) vand(er) vercrige der voirs(creven) rinte(n) hadde/ gesedt en(de) doen sette(n) eene condicie Te weten(e) soe/ verre de voirs(creven) g(er)truyt aflivich wordde sonder wettich/ oer acht(er) haer te laten(e) dat in dien gevallen de voirs(creven)/ erflike rinte soude come(n) en(de) versterve(n) op katlijnen/ zedelers wettige sust(er) der voirs(creven) g(er)truyt Bege(re)nde/ de voirs(creven) jan roelofs en(de) zijne huysvr(ouwe) doende blijken/ van al tgene des voirs(creven) is gemerct dat hen van/ groote noode is met vercoope der voirs(creven) rinte(n) hen te/ behulpen dat de gened(igheid)e? die zij d(air) af doen souden/ moege(n) bijden voirs(creven) rade wordde geapprobeert ende/ geratificeert te voirde(r) want zij tsamen kinde(re)n levende/ hebben Es bijden voirs(creven) rade notabelijc vergadert/ tvoirs(creven) testament en(de) scepen(en) brieve(n) dair af vo(r)e/ mencie gemaict is gevisiteert en(de) de voirs(creven) katlijne/ de suster met mych(iele) van espen hae(re)n man gehoort/ zijnde uutgesproken ende get(er)mineert dat de/ voirs(creven) jan roelofs en(de) zijn wijf hen selen moegen/ behulpen metter voirs(creven) rinte(n) die verande(re)nde ende/ vercoopende alsoe hen goet duncken sal Ende heeft/ den voirs(creven) raet geapprobeert en(de) geratificeert voe(r)
//
den toecomen(de) tijt alsulken gued(ing)[e] en(de) vestich(eit)/ als zij dair af sullen moegen doen niet tegenstaen(de)/ der condicie(n) inden voirs(creven) scepen(en) brieve(n) geruert/ opten dach en(de) int jair voirs(creven)