Item willem van bierbeke al(ias) wilre die te div(er)sen stonden en(de) met/ div(er)sen brieve(n) van div(er)sen hoven heeft v(er)cregen tegen/ ja(n)ne smet geheete(n) quaypicke anders geh(eeten) van werchte(r)/ de so(m)me van negen mudden rox erfs pachts op div(er)se/ goede ende onderpande gelege(n) omtrint noedebeke/ ende onder den hof van onser liever vrouwen/ van halstris ter kyesen in brabant desgelijcx iii rijders/ tsjaers staen(de) ter quijtingen met xxx gelike rijders
//
eens ende oick een mudde tarwen erflijc [en(de)] dae(re)nbove(n) oic/ geleyt is totte(n) goede(n) desselfs wijlen jans voir twee/ mudde(n) rox erfs die de voirs(creven) jan in p(er)sone met scepen(en)/ brieve(n) van loeven(e) heeft bekint den voirs(creven) willem(me) en(de)/ den kinde willems wijlen van wilre natuerlijcx soens/ desselfs willems ter eender ende ja(n)ne v(er)nalite(n) die met/ scepen(en) brieve(n) van loeven(e) oic vercreegen heeft op de goede/ desselfs wijlen jans twee en(de) eene(n) halve(n) mudde(n) rox en(de)/ een mudde tarwen erfs pachts dair voe(r) de voirs(creven) drie/ rijders met meer ande(re)n goede(n) oic tonderpande gestelt/ zijn en(de) laureyse aeps die oic met scepen(en) brieve(n) van loeven(e)/ voir twee en(de) eene(n) halve(n) mudde(n) rox erfpachts en(de) xlv/ rinsgulden(en) eens geleyt es totte(n) goede(n) desselfs wijlen jans/ ter ande(r) zijden in p(rese)ncia hebben gekint en(de) gelijdt dat zij/ om te scuwen(e) alle questie(n) en(de) gedinge(n) met malcande(re)n/ mynlijc eensworden en(de) veraccordeert zijn inder manie(re)n/ h(ier)nae volgen(de) Ende yerst dat den voirs(creven) willem(me) onbelet/ vand(en) voirs(creven) ja(n)ne en(de) laureyse volgen sulle(n) de voirs(creven)/ negen mudde(n) rox erfs pachts dienen bevonden heeft te/ weesen(e) oude(r) van date dan dactie der voirs(creven) jans en(de) laur(eysen)/ Ende dat hem tot dien oic ombelet volgen sulle(n) de twee/ rijders vand(en) voirs(creven) drie rijders tsjaers opde pande/ nae inhout der brieve(n) dair af zijnde sonder dat de/ voirs(creven) jan en(de) laur(eyse) he(m) d(air) inne met hue(re)r actie(n) oft beleyde/ e(n)nigen stoot d(air) aen sulle(n) moege(n) doen niet tegenstaen(de) dat/ de selve hue(r) actie en(de) beleyt oude(r) zijn mach dan de/vo brieve(n) des voirs(creven) willems vand(en) selve(n) twee rijders/ des sulle(n) ter ande(r) zijden den voirs(creven) ja(n)ne en(de) laureyse/ ombelet vand(en) voirs(creven) willem(me) volgen den derden rijder/ vand(en) voirs(creven) vie(r) [drie] rijders en(de) tvoirs(creven) mudde tarwen tot/ behulpe van hue(re)r scult Ende heeft d(air)om de selve willem/ allet recht en(de) actie dat hij mette(n) brieve(n) d(air)af zijnde/ heeft aen den selve(n) rijder en(de) een mudde tarwen/ ov(er)geg(even) gecedeert en(de) getransporteert den voirs(creven) ja(n)ne/ en(de) laur(eyse) en(de) dair op tot hue(re)n behoef behoirlijc ge(r)enu(n)cieert/ ende vertege(n) Ende en sal de voirs(creven) willem met zijne(n)/ beleyde hem niet meer moege(n) behulpen opde goede des/ voirs(creven) wijlen jans smet het en wa(r)e dat de voirs(creven)/ laureys en(de) jan yerst van hue(re)n geheele(n) gebreke met/ alle(n) acht(er)stelle sullen zijn vernuecht ende voldaen p(ro)mitt(ens)
//
ratu(m) Ende ter meerder sekerh(eit) van desen sulle(n)/ de brieve vand(en) voirs(creven) drie rijders blive(n) onder wet/ tot behoef vand(en) voirs(creven) p(ar)tie(n) om elken van hen nae/ inhouden van desen dair mede behulp gedaen te/ wordden(e) soe dat behoirt cor(am) abs(oloens) cav(er)son april(is) xvii