Item jan jordens sone wijlen jordens wout(er) vand(en)/ gate goort yrnarts en(de) mathijs coemans geheete(n)/ van aweyns als late(n) eerweerdige(n) vaders in/ gode m(ijns) hee(re)n des p(re)laets sgodshuys van ev(er)bode/ in zijnen laethove te meldert in p(rese)ncia hebben/ oppe(n)bairlijc getuyct en(de) vercleert dat henrick/ coemans al(ia)s van aweyns als gemechticht des/ voirs(creven) p(re)laets Ende is come(n) mette(n) late(n) voirs(creven)/ op een half boend(er) hoefs paulo gelegen te rabeys
//
wijlen wouters van eyssche tusschen de gemeynstrate/ ter eenre en(de) goort broekepeyns op dander dbroeck/ vand(er) sluysen ter derder en(de) jan van aersschot ter vierder/ zijden Cronen(de) en(de) clagen(de) voe(r) seke(re)n grontchijs den/ voirs(creven) p(re)laet toebehoiren(de) te weten(e) xxvii pe(n)ni(n)gen/ goets gelts die de voirs(creven) p(re)laet opde voirs(creven) goede/ jairlijcx heeft dair af hij in gebreke was va(n) betalingen/ navolgen(de) zijne(n) reg(ist)re(n) Ende riep aldair vort/ ja(n)ne van aerschot baudewijne herrots den beghijne(n)/ van aerschot en(de) den beghijnen van thiene(n) ende/ alle ande(re) die hen rechts totten voirs(creven) goede(n) mochte(n)/ v(er)mete(n) geleydde en(de) ande(re) sij wa(r)en bynne(n) lants oft/ buyte(n) lants en(de) behoirlijcke(n) gedaen de conde(n) aen/ ja(n)ne van aerschot en(de) onder de clocke voir de/ gene die buyte(n) sdorps geseten wa(r)en ende daigde/ alsoe opde voirs(creven) goede met dage(n) en(de) shoefs rechte/ Ende alle(n) p(ar)tien dach besch(eidinge) van dien dage in/ xv dage(n) nae der noene(n) mett(er) sonnen met coste/ en(de) co(m)me(re) Tot welcken dage de voirs(creven) meye(r)/ opden gront compareerde en(de) wachte aldair/ oft yemant betalinge hadde wille(n) doen van/ zijne(n) wettige(n) gebreke met coste ende co(m)me(re)/ dair op gedaen alsoe voort inden name als vo(r)e/ ten tweeste(n) ten derden van rechte en(de) vierden/ dage van gracie(n) van veranderinge(n) van scepen(en)/ voirs(creven) behoirlijck met rechte gecroent gedaigt/ en(de) gewacht ende den voirs(creven) p(ar)tie(n) en(de) alle(n) ande(re)n/ altijt voirt geroepen soe nae recht behoirde/ bynne(n) welke(n) vier dage(n) en(de) wachte(n) niemant/ gecompareert en is om den voirs(creven) meye(re)/ van sijne(n) gebreke(n) inden name als vo(r)e betali(n)gen/ en(de) hantvullinge te doen(e) den selve(n) meye(re) als vo(r)e/ altijt compare(re)nde en(de) trecht voirts versueken(de)/ Ende den voirs(creven) late(n) ter manissen smeyers/ gemaent zijnde en(de) beraden hebben(de) hebben/ gewesen met vo(n)nisse alle de gene die jonger/ actie hebben dat mijn hee(re) van ev(er)bode
//
ende met rechte is laten weten uutte(n) voirs(creven)/ goede(n) ende den voirs(creven) hee(re) dair inne Qui hec/ quod faciu(n)t cor(am) cav(er)son zande april(is) xxi