Compare(re)nde voir den rade vand(er) stadt daniel/ boxho(r)en ter eender zijden [vacat]/[vacat] ingeseten(e) des dorps van deurne/ ter ande(re) is bijden voirs(creven) daneele yerst geexhibeert/ de t(er)mi(n)acie tusschen de voirs(creven) p(ar)tien gewesen en(de) get(er)mineert/[vacat] lestleden oick mede eene(n) besloten(en)/ brief aen den voirs(creven) daneele bij m(ijns) hee(re)n genad(en) van ludick/ gescreve(n) vand(en) daet [vacat] dair mede/ narracie gemaect van eene(n) ande(re)n brieve bij m(ijns) voirs(creven)/ hee(re)n genade(n) gescreven aen de voirs(creven) van duerne zijnen/ genade(n) verclaerden den voirs(creven) daneele en(de) zijne/ goede(n) onder deurne gelege(n) gemerct der langer en(de)/ onder possessien dat die quijt en(de) onbelast van/ allen bede(n) hadde(n) geweest quijt en(de) onbelast/ bliven souden verhaelde seyde en(de) resumeerde de/ voirs(creven) daniel de narracie verhael en(de) inhouden/ vand(er) voirs(creven) t(er)mi(n)acie(n) en(de) besundert dat de voirs(creven)/ zijne goeden van alsoe langen tide dat ghene/ memorie en is ter contrarie(n) hebben geweest ende/ gehouden vry en(de) onbelast van alle(n) bede(n) laste(n) en(de)/ subve(n)cie(n) ende mits dien gecontendeert dat hij en(de)/ zijne voirs(creven) goede(n) vry quijt en(de) onbelast zijn/ en(de) blive(n) souden Oft dat de voirs(creven) gearresteerde/ p(er)sone(n) als ingeseten(en) van duerne voirs(creven) soude(n)/ blijve(n) in arreste tot dier tijt toe en(de) soe langhe/ dat alsulke co(m)mer ende belet als op sijne/ goede(n) bijden voirs(creven) van duerne gedaen wa(r)en/ af en(de) te nyeute soude(n) zijn gedaen Ende bijden
//
voirs(creven) [vacat] is geseet ter contrarie(n) dat bijden/ hee(re) en(de) bijd(er) stade den principale(n) merctdach te weten(e)/ den maendach geordineert en(de) gepubliceert is voir eene(n)/ yegelijke(n) vry dat darrest bijden voirs(creven) daneele ophen/ gedaen is geschiet op eene(n) maendach en(de) alsoe gecontendeert/ dat darrest tonrechte ophen geschiet is en(de) dat zij/ beho(r)en en(de) sculdich zijn costeloes en(de) schadeloes/ ontslagen te zijne Nietmyn conste de voirs(creven) daniel/ soe vele gedoen aen m(ijns) hee(re)n genaden dat hij hen afsloege/ daneels p(ar)t zij souden dairmede g(er)ne te vreden wesen/ dair op bijden voirs(creven) daneele is gedupliceert dat niet/ tegenstaen(de) dier hue(re)r allegacie(n) gem(er)ct de voirs(creven) t(er)mi(n)acie/ en(de) dat zij aengenome(n) hebben alhier rechts te plege(n) he(m)/ zijne voirs(creven) conclusie aengewesen soude wordden Seggen(de)/ oic opde voirs(creven) p(rese)ntacie bij die van doirne dat hij/ dairmede niet vreden en woude(n) wesen want d(air)mede/ zijn goede ontvrijdt soude(n) zijn soe verre m(ijns) hee(re)n genade(n)/ voir hem dat afsloege(n) partie(n) int langhe gehoirt Es bijde(n)/ voirs(creven) rade get(er)mineert en(de) uutgesproken dat de co(m)meri(n)ge/ en(de) arrest op des voirs(creven) daneels goede(n) bij reden(en) voirs(creven)/ gedaen behoerde af en(de) te nieute gedaen te zijne Oft/ dat de voirs(creven) gearresteerde p(er)sone(n) soude(n) blijven in/ arreste tot dier tijt toe dat de voirs(creven) co(m)meringe/ afgedaen soude zijn dit due(re)nde soe lange en(de) tot dat/ de materie principael sal sijn beslicht en(de) gedecideert/ daer en(de) alsoe dat sal beho(r)en In cons(ili)[o] opidi april(is) xxi