Naedien ten versueke des penita(n)ciers van p(er)cke en(de)/ berthelmeeus bruystens geh(eten) van belanden(en) als p(ro)cur(eur)/ sijnre moeder met twee diverse brieve(n) gescr(even)/ es willem(me) de coni(n)ck die wynne es geweest/ der voirs(creven) pitantie(n) en(de) der voirs(creven) wed(uw)[en] van/ belanden(en) in hue(re)n hove te belanden(en) dairuuyt deselve/ willem heymelijc uuytgetogen was als te/ kynne(n) gegeve(n) was en(de) hem voir vluchtich hadde
//
gemaict niet tegenstaen(de) dat deselve pechti(n)ge noch/ duerde dat hij wedero(m)me soude comen ende de/ goede ende vruchte(n) vand(en) voirs(creven) hove wynne(n)/ werve(n) ende hante(re)n ten meesten p(ro)ffijte vand(en)/ selven goeden den tijt van sijnder pechtingen/ uuyt du(r)ende alsoe dat naevolgen(de) der selver/ pechting(en) behoirt ten ynde dat de goede ende/ vruchte(n) bij gebreke van dien niet te quite en/ ghingen Oft dat hij in gevalle van oppositien/ weygeringe oft vertrecke come(n) wa(r)e alhier voir/ ons(en) raide om te seggen(e) de reden(en) wairo(m)me/ des alsoe niet behoire(n) en soude met inti(m)atien oft/ hij niet en quame ten voirs(creven) dage datme(n) p(ar)tien/ dair op voirde(r) provisie van rechte soude doen/ het wa(r)e bij auctorisatien van deselve goede te/ moege(n) uutgeve(n) ende de vruchten te hante(re)n en(de)/ tproffijt dair mede te doene sijnder absen(tien) niet/ tegenstaen(de) Ende de voirs(creven) willem tot gheen vand(en)/ voirs(creven) twee dagen en es gecompareert mits/ den welken bij seke(re)n voirgaen(de) t(er)mi(n)atien get(er)mineert/ es ende p(ar)tien geconsenteert de vruchte(n) want/ die nu tijtverdich wa(r)en ende verderflijc met/ goeder declaratien te moegen inne doen tot/ behoef des gheens die dair toe recht hebbe(n) soude/ Ende dat meer is hadde de voirs(creven) willem ten tijde/ als hem den voirs(creven) ii[en] brief gep(rese)nteert was tot/ wave(r) dair hij getogen was geantwoirt al/ screefmen hem noch vele meer brieve hij en soude/ niet compare(re)n woende hij hen te nae hij soude/ wel voirde(r) trecken ende wa(r)e hij heden dair hij/ soude morgen elde(r) wesen alsoe dat bij cleerniss(en)/ van gielijse eveloege bode te voet van des(er) stad/ genoech geblek(en) heeft Es bijden raide vand(er) stad
//
den voirs(creven) bertelmeeuse voir hem sijnder moeder/ en(de) der voirs(creven) pytantie(n) uuytgesproken en(de) geco(n)senteert/ dat sij de voirs(creven) goede voirts sulle(n) moege(n) stelle(n)/ tot kerckgeboden ter plaetsen dair onder die geleg(en)/ sijn om die ten meeste(n) proffijte ten hoochste(n) oft ten/ mynsten ter helicht uutgegeve(n) ende bestaet te/ wordden(e) ande(re)n wynne(n) die die sullen willen/ aenveerden Act(um) in (con)s(ili)[o] opidi julii xxiiii