Item wouter van haren bontwercke(r) te loeven(e) in p(rese)ntien/ der scepen(en) van loeven(e) gestaen heeft uuytgegeve(n) ende/ bekint uuytgegeve(n) te hebbe(n) voir hem zijnen erven/ ende naecomelingen h(ere) joese vanden abeele prieste(re)/ p(ro)chiaen van hulst en(de) sijne(n) erve(n) ende naecomelingen/ een hofstad metten muraigen ende ty(m)meraigen/ soe die nutertijt gebroken d(aer) op staen soe deselve/ hofstad gelegen es achter ter zijden aende(n) weldeman/ op dander zijde vander straten geheete(n) tussche(n) dach/ en(de) nacht opden hoeck vander selver strate(n) ende de/ juedestrate tusschen de voirs(creven) strate geheete(n) dach/ en(de) nacht voe(r) ter eenre de strate geheete(n) de juedestrate/ tot aende goede des voirs(creven) wout(er)s d(aer) goessen de/ cleermak(ere) inne woent ter ande(re) de goede toebehoiren(de)/ den huysarme(n) van s(in)t peet(er)s p(ro)chien te loeven(e)[en(de) een huysken desselfs wout(er)s ] achter ter/ scrijnstrate(n) werts ter derder ende de goede jans ooghe/ ter vierder zijden met oick eene(n) stalle somerhuyse/ scaelgie hove en(de) plaets(en) opde selve hofstad staende/ comen(de) uuyt met drie uuytgangen den eene(n)/ dwelc de pr(in)cipale dore is inde strate geheete(n)/ tussche(n) dach ende nacht den ande(re)n met eene(n) nyeuwe(n)/ portken(e) inde juedestrate naist den huyse des voirs(creven)/ wout(er)s dat goessen de cleermak(ere) besit ende den derden uuytganck mette(n) gange en(de) portken(e) onder [thuys des voirs(creven) wout(er)s] inde/ scrijnstrate tusschen thuys jans de cost(ere) glaesmakers/ t(er) eenre en(de) thuys des voirs(creven) wout(er)s ter ande(r) zijden/ erflijck te houden ende te besitten opden last en(de) com(m)er/ dair te vo(r)en uutgaen(de) te weten(e) vie(r) ryns gulden te xx st(uvers) tstuck/ xii stuvers aen tgodshuys vande(n) roodenclooste(re) eene(n)vijftich/ stuvers [mi(n) xviii (mi)t(en)] den cap(ite)le(n) van s(in)t peet(er)s te loeven(e) eene(n) r(ijns)/ guld(en) te xxiii st(uvers) den cap(ite)le oft capellane(n) van s(in)t jacops/ te loeven(e) vijf l(i)b(ra) borsghelts aende begarden te loeven(e)/ vijf l(i)b(ra) borsghelts den heyl(i)gheeste van s(in)t peet(er)s te/ loeven(e) vijf gelijke l(i)b(ra) s(in)t barbelen capelle te loeven(e)/ / thien groote den godshuyse vande(n) p(re)dike(re)n te loeven(e)/ twintich groote der clerkcapelle(n) te loeven(e) een bla(n)ke/ borsghelts h(eren) mychiele absoloens ridder twee mijten/ den godshuyse van everbode twintich stuvers den/ canonicken ende capellane(n) s(in)t peet(er)s te loeven(e) ende/ vii(½) st(uvers) xviii mijten aen div(er)se p(er)soenen al erfchijs ende/ rinte ten behoirlijken ende gewoenlijken tijde te betalen(e)/ ende voirtmeer op vie(r) r(ijns) gulden neghenthien stuv(er)s/(½) bl(an)c een mijte mu(n)ten nut(er)tijt ganckbair wesende/ erfchijs ende rinten alle jae(re) te kersmisse te betalen(e)/ den voirs(creven) woute(re)n van haren en(de) sijne(n) naecomeli(n)gen/ erflijck Ende deerste betalinge vand(er) selve(r) vie(r) r(ijns) g(ulden)/ xix st(uvers) (½) bl(an)c i mijte inne te gaen(e) van kersmisse/ naestcomen(de) over een jair ende niet eer Et sub hiis/ sat(isfacere) et war(andizare) p(ro)ut met conditie(n) ende vorweerden/ dat de voirs(creven) h(er) joes de voirs(creven) rinte van vie(re) r(ijns) g(ulden)/ xix st(uvers) (½) bl(an)c i mijte sal moegen lossen ende afquijten/ tallen tijden alst hem gelieve(n) sal mair niet min dan twee/ ryns guld(en) d(aer) af smaels ende elken pe(n)ni(n)ck d(aer) af/ met achthien gelijken pe(n)ning(en) ende met volle(n) rinten/ nae rate vand(er) quiti(n)g(en) ende ter meerder sekerheyt/ den voirs(creven) woute(re)n vand(en) voirs(creven) sijnd(er) rinte(n) va(n) iiii r(ijns) g(ulden)/ xix st(uvers) (½) bl(an)c i mijte erfl(ijck) te doene heeft de voirs(creven)/ h(er) joes renu(n)c(ierende) geloeft bove(n) tusschen dit en(de) sinxen(en)/ naestcomen(de) de voirs(creven) goede(n) met edifitie(n) en(de) ty(m)meraigien/ te bete(re)n de weerde van drie r(ijns) guld(en) erflijck oft/ woute(re)n voirs(creven) in ge(re)den pe(n)ni(n)g(en) bove(n) de voirs(creven) zijne/ rinte opte leggen(e) drie r(ijns) g(ulden) erflijck den pe(n)ni(n)ck/ achthiene Ende es in erfvorweerde(n) ondersproken tusschen/ de voirs(creven) p(ar)tien aengesien dat inder vorweerde(n) vand(en)/ coope van desen ondersproke(n) was dat h(er) joes de rinte/ vand(en) coope d(aer) om hij tvoirs(creven) erve cochte tot xv r(ijns) guld(en)/ erfl(ijck) toe soude hebbe(n) moege(n) lossen tot sijnder moeyten/ met twee ryns gulde(n) smaels soe verre h(er) joese voirs(creven)
//
naemaels beloefde e(n)nige vand(en) voirs(creven) co(m)me(re)n af te/ leggen(e) ende die co(m)me(re)n meer gedroegen dan twee/ r(ijns) g(ulden) smaels dat h(er) joes gestaen sal leggen(de) smaels/ de hootpe(n)ni(n)g(en) van twee r(ijns) g(ulden) [erfl(ijck)] mette(n) pachte van dien/ en(de) soe verre de ghene aende welke het te doene/ wa(r)e d(aer) mede niet te vreden en wa(r)en en(de) die hue(re)/ rinte niet deylen en wilden noch en dorsten dat/ dan de voirs(creven) wouter tsurplus vand(er) selv(er) rinte(n)/ sal moete(n) oplegge(n) en(de) de rinte selve behoude(n) oft/ de pe(n)ni(n)g(en) van h(er) joese heffen ende h(er) joese en(de)/ sijn goeden d(aer) af teeuwig(en) dag(en) ontlasten Ende/ es oick vorweerde oft h(er) joese voirs(creven) voir e(n)nige/ der voirs(creven) voirco(m)me(re)n [inde jairlijcsche betalinge oft oic] int aflegg(en) vand(en) selven/ meer betalen moeste dan voir elken stuver achthien/ gelijke stuvers in mu(n)ten nut(er)tijt gancbair wesen(de)/ dat d wout(er) voirs(creven) hem dat meer cortten ende/ myncken sal aen sijn voirs(creven) rinte van iiii r(ijns) g(ulden) xix st(uvers) (½) bl(an)c i mijte erfl(ijck) Item ende oftme(n) naemaels meer/ co(m)mers bevonde uuyte(n) voirs(creven) goede(n) gaende dat sal / wout(er) voirs(creven) moeten betalen en(de) afdoen en(de) ofter min / co(m)mers uuytginge dat sal woute(re)n van h(er) joese te/ baten comen den pe(n)ni(n)ck achthiene Item heeft voirts/ geloeft de voirs(creven) h(er) joes renu(n)c(ierende) de voirs(creven) chijsen/ en(de) co(m)me(re)n van kers(miss)[e] naistc(omende) over een jair voirtane/ vallen(de) soe in tijts te betalen(e) en(de) uuyte(n) voirs(creven) goeden/ en(de) ande(re)n goede(n) des voirs(creven) wout(er)s daer aen liggen(de)/ jairl(icx) gaen(de) soe in tijts te betalen(e) dat den voirs(creven)/ wout(er)en noch zijne(n) goeden voirs(creven) daer bij gheene/ schade en gebue(re) voir dwelc deselve h(er) joes de/ voirs(creven) zijne goede bij oirlove shee(re)n vande(n) gronde/ in title van wettige(n) onderpande heeft verobligeert/ en(de) geypotheceert de quo sat(isfacere) pr(ou)t It(em) es voirt(s)/ vorweerde dat de voirs(creven) wout(er) tsijne(n) laste betale(n) sal/ alle rinte(n) en(de) chijsen uuyte(n) voirs(creven) goede(n) gaende die
//
vallen en(de) verschijne(n) sulle(n) tusschen dit en(de) van kers(miss)[e]/ naistcomen(de) totten daghe van kersmisse excluys over jair/ dair naistvolgen(de) It(em) es voirts vorweerde en(de) heeft wouter/ tvoirs(creven) erve den voirs(creven) h(er) joese d(aer)op vercocht dat den/ muer staende tusschen hem ende derve jans ooghe comen(de)/ lanx vander scrijnstraten ten wildeman werts den selve(n)/ h(er) joese half toebehoert en(de) volgen sal It(em) dat den muer/ int dweerse staende opden hoeck vanden voirs(creven) muere/ ten hove werts strecken(de) lanx tot achter den voirs(creven) stal/ sal gehouden wordden op doude recht en(de) dat h(er) joes/ voirs(creven) d(aer) inne gericht sijn sal alsoe de voirs(creven) wout(er)/ was voir desen coope en(de) dat de besitters van jans/ ooghs erve treghenwater comen(de) van bove(n) vand(er) erve(n)/ desselfs jans ooghs sijne(n) ganck sal moete(n) hebbe(n) en(de)/ geleyt wordden met buysen lanx sijns selfs erve sonder/ dat zijnen loop oft val sal moegen van bove(n) hebben/ op derve des voirs(creven) h(er) joes anders dan het ter erden/ sal zijne(n) ganck hebben soe dat van outs gehadt heeft/ It(em) dat aengaen(de) den mue(re) strecken(de) strecken(de) lanx den/ stalle voirs(creven) ter coestraten werts ende den muere/ streckende van dair voirts recht uuyt ter scrijnstrate(n)/ werts lanx den gange vande(n) portken(e) ald(aer) sal/ gehouden wordden op doude costume en(de) recht It(em) aengaen(de)/ den muere comen(de) int langhe vander erve(n) achter aen jans/

cost wout(er)s voirs(creven) huys en(de) der huysarme(n) voirs(creven) huys(en) oft erve / tot opt dweerse ynde vande(n) selve(n) muere ten erve werts/ des voirs(creven) h(er) joes dat dien muer oick toebehoire(n) sal/ den selve(n) h(er) joese soe dat hij d(aer)inne en(de) op sal moegen/ ty(m)me(re)n ende edifice(re)n It(em) insgelijcx den muer d(aer)naest int/ dwerse nae de juede strate dat dien sal staen en(de) bliven/ soe dat nae recht behoirt Ende de voirs(creven) wout(er) heeft/ den voirs(creven) h(er) joese geloeft te houden int voirs(creven) erve in/ alle der vrijheyt d(aer) inne hij gericht was voir den coope/ van des(en) bijden voirs(creven) h(er) joese teg(en) hem gedaen en(de) hem/ dairtoe te helpen te bringe(n) alle de brieve(n) en(de) oude bescheyt/ d(aer) af sijnde soe verre hij die heeft oft weet en(de) hem/ die te late(n) volge(n) oft vidim(us) d(aer) uuyt op h(er) joes cost It(em) en(de) aen dierste afquiti(n)ge die h(er) joes van des voirs(creven) is doen sal/ sal hem wout(er) cortten xxv st(uvers) eens die h(er) joes verleet heeft/ promitten(s) rat(um) renu(n)c(ians) cor(am) tymple boechout septe(m)br(is) iiii