It(em) odelie vanden scryecke wed(uwe) goorts wijlen vanden rode wonende/ te loven(e) die in rechte ghestaen heeft voir meye(re) en(de) scepen(en) van/ loven(e) jeghen willem(me) van hug(ar)den zone wijlen hubrechts als man/ en(de) momboir machtelde(n) van maelcote zijns wijfs wed(uwe) jans wijle(n)/ tyelens ende als stiefvader van henricke tyelens hue(re)n wettighen/ sone uut saken van eene(n) halve(n) mudde corens lijf(ochten) ten live des voirs(creven)/ henricx die hij heeft met scepen(en) brieve(n) van holsbeke vand(er)/ date(n) xiiii[c] lxvi op henricke vanden scryecke henricke sijne(n) vader/ en(de) den voirs(creven) wijlen goorde van rode Heeft beg(eer)t dat de voirs(creven) willem/ oft henrick oft ande(re) in hue(re)n name want hue(r) man niet dan borghe/ en was p(ro)cede(re)n soude(n) in des(er) saken met rechte opden voirs(creven) henr(icke)/ en(de) henricke oft hue(r) goede sonder huer quellagie h(ier) o(m)me te doene/ Ende wairt den alsoe dat hij de betalinghe sijn uut(er)ste beste doen(de)/ niet ghecrigen en conste aen de voirs(creven) p(er)sone oft goede(n) dat sij he(m)/ dan voll dair aff volle betalinghe doen sal met allen coste(n) ende/ laste(n) dair op loopen(de) comen(de) cor(am) boxho(r)en hanck(ar)t januarii xx(a)