Cont zij allen lieden dat jan van montenaken gheheeten/ coels willem switten michiel vander ijsvoert willem vanden/ steenweghe en(de) jan van compenrode alle wonen(de) te zichen(en)/ in p(rese)nc(ia) hebben ghenome(n) en(de) bekent dat zij ghenome(n) hebben/ indivisim vanden h(ere)n deken(en) en(de) cap(it)le der kercken van sinte pet(er)s/ te loven(e) en(de) oick van ynghelb(rech)te vanden berghe als rintmeest(er)/ des eerw(er)dighen h(ere)n abats? van sinte g(er)truden te lov(en) die grote/ thiende die sij hebben te zichen(en) en(de) dair omtrent in alle der/ manie(re)n willem vanden steenweghe voirs(creven) met sijne(n) medeplege(re)n/ die tot h(ier) toe gehoude(n) heeft Te houden(e) te hebben en(de) te besitten van/ sinte jansmisse naestcomen(de) eene(n) t(er)mijn van sesse jairen lanck/ duerende deen nae dande(r) zond(er) middel volghen(de) elcx jairs dae(re)n/ bynnen voe(r) en(de) o(m)me hondert ende lxxiiii rinssche [gul(den)] tstuck te lx pl(a)c(ken)/ brabants gerekent deen helicht tons(er) liev(er) vrouwen daghe purificacio/ en(de) dand(er) helicht tsinxen dair nae volgen(de) te betalen(e) van welk(er)/ su(m)men hebbe(n) sal m(ijn) hee(re) de deken voir uut om der cleynder thiende(n) en(de)/ noch meer ande(re) thienden xii rinssche gul(den) ind(er) weerden voirs(creven) en(de)/ tsurplus sal in drien gedeylt wordde(n) deen derdendeel dair af m(ijn)/ hee(re) den deken(en) voirs(creven) dande(r) derdendeel den vors(creven) abt van sinte g(er)trude(n)/ en(de) tderde derdendeel tcapittel van sinte pet(er)s voir(screven) den voirs(creven) t(er)mij(n)/ due(re)nde quol(ibe)t ass(ecutu)[m] met condicien en(de) vurw(er)den oft de voirs(creven) thiendeners/ teenig(er) tijt schade oft last hadden inde voirs(creven) thiende(n) van hagelslage/ van tampeeste oft van ghemeyne(n) orloghe soe es vurw(er)de datmen/ hen dair af rastoir doen sal ghelijck ande(re) hee(re)n en(de) p(re)laten hue(re)n thien/ dene(re)n boven en(de) beneden doen sullen bij alsoe dat zij die schade bynne(n)/ drie [dage nae] dat dat gebuert sal sijn schuld(ich) sullen sijn den voirs(creven) hee(re)n te/ cu(n)dighen(e) ende alle dese vurw(er)den (et)c(etera) Co(ram) hoelair thenis febr(uarii) xvi