Allen den ghenen (et)c(etera) dat lodewijc roelofs nu t(er) tijt scepen(e) van loeven(e) ende/ meest(er) anthoenijs vynck p(rie)ste(r) als momboiren der wettig(er) kynde(re)n everarts wijlen/ van wynghe dair toe gestelt en(de) geordin(eer)t bij weten en(de) ordinan(cie) vand(en) raide vand(er)/ stad ende hebben geconstitueert gesedt volcomen macht p(ro)cu(ra)cie en(de) auc(tori)teyt gegeven/ meest(ere)n janne van couwenberghe meest(er) janne vand(en) walle meest(er) peter van sinte/ peters meest(er) woute(re)n van ruppelmonde meest(er) joes van bouchout h(er) dierick heykens/ pete(re)n van steyne(n)moelen woenen(de) te mechlen reyne(re)n cleerhaghen woenen(de) te bruesselle/ hubrecht brau geheeten vander straten janne van hoelair aert m(ar)cielis jan van/ udekem jannes heems wout(er) vand(en) dale stasse va(n) bolloe en(de) jan va(n) doerne/ woenen(de) tot cortbeke ov(er)loe oft den eene(n) van hen bringe(r) sbriefs te wesen/ hue(r) p(ro)cur(eur)s in allen hue(re)n saken gescillen ende bederve(n) die de voirs(creven) kinde(re) alsnu/ te doen hebben oft naemaels hebben soude(n) moege(n) ende voirt om van/ hue(re)n wegen en(de) in hue(re)n name met rechte tacht(er)volge(n) op te buere(n) ende met/ possessien inne te neme(n) en(de) tontfane voir alle he(re)n en(de) wethoude(re)n alle alsulcke(n)/ goeden chijsen rinten erfpachte so(m)me van penni(n)ge(n) en(de) schulde(n) als den voirs(creven)/ kinde(re)n v(er)schene(n) verstorve(n) en(de) toecome(n) zijn oft namaels v(er)schijne(n) v(er)sterve(n) oft toecome(n)/ mochte(n) talle(n) stede(n) en(de) plaetsen d(air) die belege(n) moege(n) zijn de selve goede/ te v(er)ware(n) te regere(n) en(de) te hantplichte(n) de rinte(n) en(de) proffite(n) van dien/ te mane(n) teysschen opte bue(re)n en(de) ontfange(n) jege(n) oft aen wat p(er)sone(n) oft goed(en) dat/ zijn mach dair voir te panden te daghe(n) te beleyden en(de) rastame(n)te te doe(n) leggen/ die met rechte textquere(n) te v(er)volgen en(de) te vorde(re)n na costume en(de) gewoente(n) vand(en)/ plaetsen d(air) dat geboirt oft behoire(n) sal oft behoeve(n) soude moege(n) En(de) op dats/ noot geboirde voir alle rechte(re)n gheestelijc oft werlijc in aenlegg(er)s oft v(er)werd(er)s/ stat m(et) rechte te bedingen tgedi(n)ge contestere(n) te declinere(n) texcipere(n) te r(e)co(n)ve/ nieren() te v(er)antwerde(n) te bescudde(n) alle gescrifte(n) en(de) libelle(n) ov(er) te geve(n) en(de) te nemen/ te r(e)plice(re)n te duplice(re)n also wel int pri(n)cipael als int accessoir also dicke en(de) menich/ werve(n) als des te doen sal zijn getuge(n) met rechte(n) te v(er)sueke bedwonge(n) te werde(n)/ tot hue(r) disposicie(n) die te leyde(n) d(air) wed(er)p(ar)tijen getuge(n) te zien zwere(n) die te battere(n)/ hue(r) deposicie(n) te wed(er)legge(n) als des behoeve(n) en(de) na recht diene(n) sal moege(n)/ al des voirs(creven) is met rechte