It(em) henrick die briede(re) die jonghe en(de) reyne(re) van hob(er)ghe/ als p(ro)cur(eur)s willems van hoeberghen brued(er)s svoirs(creven) reyners/ ghelijck dat scheen blijken(de) met zeke(re)n brieve(n) voir burg(er)meest(ere)n/ scepen(en) en(de) raide der stad van loven(e) gepasseert xi daghe in julio/ lestleden in p(rese)nc(ia) hebben ghekent en(de) ghelijt dat sij uut machte/ vand(er) selv(er) huer(er) p(ro)curacien v(er)cocht hebben janne vyncke ende/ pete(re)n van rode beyde wonende te bynckem alle alsulke alboeme(n)/ cleyne en(de) groet als nu t(er) tijt staen en(de) wassende sijn op een eeussel/ gheleghen te libbeke den voirs(creven) willem(me) en(de) sijne(n) wive toebehoren(de) tussche(n)/ de goede tcloest(er)s van sinte g(er)truden te loven(e) op deen zijde ende de goede/ der kynde(re)n corduwaens op dande(r) comen(de) metter ov(er)ster zijden aen/ de goede joes meyers te weten(e) opde zijde te dyest weert voir ende/ o(m)me xx rinssche gul(den) en(de) xx pet(er)s voir elken rinssche gul(den) tsestich/ pl(a)c(ken) en(de) voir elken pet(er) liiii[tich] pl(a)c(ken) brabants pay(ments) gherekent welke/ xx rinssche gul(den) en(de) xx peet(er)s ind(er) weerden voirs(creven) jan vyncke/ en(de) peet(er) van rode ghelooft hebben indivisim den voirs(creven) willem(me)/ van hoeberghen reyne(re)n van hoeb(er)ghe en(de) den voirs(creven) henricke die/ briede(re) aut alt(er)i te betalen(e) halff tons(er) liev(er) vrouwen daghe/ nativitas naestcomen(de) en(de) dand(er) helicht tsinte denijsmisse dair/ nae volghen(de) quol(ibe)t ass(ecutu)[m] met condicie(n) dat de voirs(creven) schuld(er)s de/ voirs(creven) alboeme(n) ter stont mett(er) naest(er) tocht ombeg(re)pen een maent d(air)/ nae afhouwen zullen en(de) tot hue(re)n schoensten vanden voirs(creven) eeussele/ des(er) zom(er) naestcomen(de) afgheruympt hebben en(de) de voirs(creven) henrick/ en(de) reyne(re) als p(ro)cur(eur)s voirs(creven) hebben gelooft den voirs(creven) schuld(er)s vande(n)/ voirs(creven) coepe ghenoech d te doene en(de) teghen eene(n) yegelijken warant te zijne/ Cor(am) buetssele thenis iunio(r)e febr(uarii) xi