It(em) de voirs(creven) airt heeft zijnen brued(er) voirs(creven) den voirs(creven) brief bekint/ te dier meyni(n)gen dat de voirs(creven) jan den selve(n) arde zijne(n) brued(er)/ alsoe lange als de selve art leven sal besorgen sal van eten/ van drincken(en) van cleede(re)n en(de) schoen en(de) van allen behoeften/ dair voe(r) de selve airt wilt en(de) begh(er)t dat de voirs(creven) jan zijn brued(er)/ nae de doot van hem aenveerden besitten en(de) possesse(re)n sal alle des/ voir(screven) arts goede have en(de) erve wair die gelegen zijn hoe die ge/ noempt moegen wordden in woeni(n)gen huysen hoven beempden eeussele(n)/ wate(re)n wijng(ar)den chijsen rinten pachten ende die bliven besitten(de) en(de)/ te possesseren(e) sonder enige van dien te moeghen v(er)thie(re)n oft te belaste(n)/ uutgescheiden dat de voirs(creven) jan van hem behouden sal en(de) bliven/ teeuwigen daghen besitten(de) twee rijnssche gulden(en) erflijckerinten/ vallen(de) jairlijcx tsinte jansmisse baptisten staende op een huys en(de) hoff/ met zijne(n) toebehoirten jans vand(en) ynde gelegen toest(er)hem inde p(ro)chie/ van herent tusschen den goeden jans vand(en) leempoele en(de) de strate(n)/ ald(air) Item een vie(re)ndeel wijng(ar)t gelegen opden roesselberch tussche(n)/ de goede willems de leeuw met welcken ii r(ijnssche) guld(enen) ende/ wijng(ar)de de voirs(creven) jan zijne(n) vryen eygen(en) wille sal moegen/ doen die v(er)coopen v(er)setten en(de) d(air) aff ordinan(cie) te maken(e) nae/ zijnre gelieften en(de) vand(en) ande(re)n tsurplus der goede voirs(creven) is/ dordinan(cie) dat de voirs(creven) jan oliviers die hebben en(de) besitten sal/ alsoe lange als hij leven sal Ende dat nae zijn doot die/ sullen gaen nae inhoudt des testaments bijden voirs(creven) arde/ tande(re)n tijden gemaect en(de) gepasseert voe(r) meest(er) joese van/ boechout no(ta)r(is) uut(er) dyoc(esis) van cam(er)rijck vand(er) dat(um) xiiii[c]/ lxxxi ind(er) xiiii indictien den ix dach der maent van julio/ t(er) eenre uren nae der noenen oft d(air) omtrint inden pausdo(m)me/ ons alreheylichsten vaders en(de) he(re)n he(re)n sixti uut(er) voirsienich(eit)/ goids paus die vierde in zijne(n) x[ten] ja(r)e eisd(em)