Want matheeus [vand(en) za] zande zone henricx wijlen vand(en) zande die nae de hooghe/ heerlich(eit) ons liefs gened(ichs) he(re)n tsh(er)toge(n) en(de) den rechte des(er) zijnre stad van loeven(e)/ uut machte van scepen(en) brieven van loeven(e) voe(r) zijn wettich gebreck van xviii(½)/ pet(er)s eens comen en(de) geleydt is tot allen den goeden beide have en(de) erve/ willems claes metsers en(de) steenhouwers wair die belegen zijn Opten/ dach van heden hadde doen dach besceyden den selven willem(me) die hem/ ongebruyck pijnde te doene aen alle de selve goede en(de) den selven/ willem doen bevelen en(de) zijnre huysvr(ouwe) met andriese van voshem vorste(r)/ hue(r) hande te lichten vand(en) selve(n) goeden bij alsoe hadden de voirs(creven) willem/ zijn huysvr(ouwe) oft yemant and(er)s dair jegen yet hadden willen segge(n)/ oft allige(re)n oft de voirs(creven) scepen(en) brieven impugne(re)n dat zij des/ op heden inde banck comen wa(r)en voe(r) meye(re) en(de) scepen(en) te loeven(e)/ Tot welcken daghe de voirs(creven) willem zijn huysvr(ouwe) niet gecomen/ en zijn noch ande(re) van hue(re)n weghen jan de hont als p(ro)cur(eur) en(de)/ voirgange(r) svoirs(creven) matheus comp(ar)e(re)nde en(de) recht voirt v(er)sueken(de)/ soe wijsden de he(re)n scepen(en) van loeven(e) t(er) manissen smeyers voe(r)/ een vo(n)nisse yerst aengehoirt den voirs(creven) vorste(r) die clairde bij/ zijne(n) eede dat hij den voirs(creven) willem(me) en(de) zijnre huysvr(ouwe) dach van/ rechte op heden bescheiden hadde datmen den voirs(creven) matheuse/ vand(en) voirs(creven) goeden houden soude inde macht van zijne(n) beleyde/ soe verre dat noch voe(r) scep(enen) comen is cor(am) o(mni)b[(us)] scab(inis) in scamp[(n)o] no(vem)[br(is)] lxxii