Vander questien die gheweest is voir den raide vander stat tussche(n)/ denijse staes en(de) katlijnen plaetvoet zijnen wijve ter eendere en(de)/ janne vander dijlen gheheeten van haeght die getruwet/ hadde na staet der heylighen kercken yden staes wilen/ suster des voirs(creven) denijs ter ande(r) sijden alse vanden erve/ en(de) vlieghen(de) erve die de voirs(creven) yde in houwelike en(de) van/ hue(re)r zijden gecomen bijden voirs(creven) janne vand(er) dijlen brachte/ dair inne de voirs(creven) jan vander dijlen meynde gericht?/ te sijne om zijnen wille dair mede te doene mits eenen/ testamente zijns wijfs voirs(creven) Dair af de voirs(creven) denijs/ hielt de contrarie gemerct dat hij van hair gheene geborte/ en hadde en(de) dat die goede vander zijden der voirs(creven) yden/ comen wa(r)en en(de) v(er)socht vort de vliegen(de) erve te hebben/ geinventariert Was get(er)mijnert dat de de voirs(creven) jan/vand(er) dijlen en(de) dat de vors(creven) jan alle derfbrieve den vors(creven)/ hove? aengaende bringe sal [so die] alhier ond(er) de wet tot/ eens yegelijc rechte van hen om elken dair met meer/ worden bij he(m) geseeght Was getermijnert dat de vors(creven)/ jan alle derfbrieve den voirs(creven) erve aengaende gehoude(n)/ sal zijn alhier te bringen onder de wet tot elx rechte/ om elken d(air) met te behulpen en(de) op causie wed(er) te bringen/ en(de) datmen de vliegen(de) erve sal inventarieren Behalve(n)/ oft de voirs(creven) jan met zijnen testamente dat hij seeght/ te hebben yet heeft te volghen dat hij dat doen/ mach ter plaetsen dair dat behoert Actu(m) cor(am) goess(uino)/ tybe burg(imagistro) hoeven ravesschote oeghe et plurib(us) aliis/ de consilio novembris xviii