Cont zij allen lyeden dat de voirs(creven) jan leemans/ et lijsbeth bonis sijn huysvr(ouwe) in p(rese)nc(ia) hebben ghenomen/ en(de) bekint dat sij ghenome(n) hebben vanden voirs(creven) joese va(n)/ cav(er)son dwynhoff des voirs(creven) joes gheheeten thoff t(er) eect metten huysen hoven wynnen(de) landen(e) beempden eeuselen en(de)/ allen ande(re)n sijne(n) toebehoirten uutghenome(n) een came(r) mette(n)/ sulde(re) dair boven staen(de) die de selve joes te hemw(er)t behoud(en)/ heeft gheleghen bijd(en) huffle en(de) dair omtrent Te houd(en)/ te hebben(e) te wynnen en(de) te werven van halff me(r)te lestled(en)/ eenen t(er)mijn van neghen jairen langk due(re)nde deen nae/ dande(r) zond(er) middel v(er)volghen(de) Elcx jairs jar dae(re)nbynnen/ te weten(e) de wynnende landen voe(r) ende om(m)e de helicht/ van alle(n) de vruchten die jairlex opde selve goede wassen sulle(n)/ ende de beempden en(de) eusselen voe(r) en(de) omme neghen peet(er)s te xviii/ stuv(er)s tstuck, alle jaire tsinte m(er)tensmisse te betalen den voirs(creven) joese/ den voirs(creven) t(er)mij(n) due(re)nde quol(ibe)t ass(ecutu)[m] Item noch hebben de selve wy(n)ne(n)/ ghenomen en(de) bekent ghenome(n) te hebben vand(en) voirs(creven) joese van cav(er)soen/ vijff dach(mael) beempts geheeten den evenenbeempt dwelck hij v(er)crege(n)/ heeft teghen mijne(n) hee(re) van vlied(er)beke ald(aer) ghelegen Te houden ende/ te besitten(e) vand halff m(er)te lestleden enen t(er)mij(n) van neghe(n) jaire(n)/ voirscr(even) Elcx jairs dae(re)n bynnen voe(r) en(de) o(m)me drie rinssche guld(en)/ te xx st(uvers) et iii pl(a)c(ken) den st(uver) Alle jaire tsinte m(er)tensmisse te betalen(e)/ den voirs(creven) joese den voirs(creven) t(er)mij(n) uut due(re)nde quol(ibe)t ass(ecutu)[m] Opde vurw(er)d(en)/ en(de) condicie(n) h(ier)nae besc(re)ven Ind(en) yersten alst tcoren opt velt rijp sal/ sijn dat alsdan de voirs(creven) joes ald(aer) eene(n) man seynd(en) sal diet tselve/ coren sal hulpen bynden en(de) inne doen ende sullen de selve wy(n)ne(n)/ altijt des voirs(creven) joes coren yerst w(er)ven inne vue(re)n It(em) dooft/ dat jairlix opde voirs(creven) goede wassen sal dat sullen de wynne(n)/ / en(de) joes halff en(de) halff deylen En(de) de wynne(n) sulle(n) des/ voirs(creven) joes helicht hem te loven(e) tsijne(n) huyse leve(re)n It(em)/ voerts sullen de wynnen de huysen voirs(creven) houden op hue(re)n/ cost vand(er) underster rijkelen nederw(er)ts den voirs(creven) t(er)mij(n) due(re)nde/ Item de selve wynne(n) sullen den voirs(creven) joese jairlix leve(re)n/ tsestich bussellen walms o(m)me opde huysen ald(aer) te verdecken(e)/ ende alsmen ald(aer) dect oft plect dair sullen de voirs(creven) wy(n)ne(n)/ den leem aen halen alsoe v(er)re alst gheen nyeu werck en/ es Item de selve wynnen sullen de voirg(eruerde) wynnen(de) lande/ tytelijck wynne(n) werve(n) meste(n) ende besayen jairlix met/ goeden cusbae(re)n saye ghelijck reenghenoeten boven en(de) benede(n)/ ende die laten tsijne(n) afscheyden Te weten(e) neghen dach(mael) en(de)/ een halff wel ende loflijck ghewonnen bereet te sayen(e)/ met wint(er) coren(e) op sijn ghetijdighen vo(r)en gelijck regenote(n)/ voirs(creven) ende dande(r) lande al bloot Ende int afscheyd(en) vand(en)/ voirs(creven) t(er)mijne() sullen de selve wynne(n) ald(aer) opde land(en) vand(en)/ wynt(er)coren(e) laten en(de) vue(re)n xxiiii voeder bot voeder mest goets/ mest Item als des voirs(creven) joes coren ghederssen sal sijn dan/ sullen de voirs(creven) wynne(n) hem dat vue(re)n te loven(e) tot sijne(n) huyse/ Item es voert bevurw(er)t dat de voirs(creven) wynne(n) jairlijx de grachte(n)/ en(de) wat(er)leyen houden sal aen de voirg(eruerde) goede liggen(de) op sijne(n) cost/ den voirs(creven) t(er)mij(n) due(re)nde Ende alle dese vurw(er)den gheluften/ en(de) con(dicien) hebben ghelooft de voirs(creven) wynne(n) in deen zijde en(de)/ de voirs(creven) joes in dand(ere) (et)c(etera) cor(am) eisd(em)