Want ten v(er)volghe denijs melgiers geheeten laukens geleyt/zijnde uut machte van scepen(en) brieven van loeven(e) voe(r) zijn/ wettich gebreck van xvii rijns gul(den) ende een mudde rocx eens/ uut zaken vander pechtinghen vand(en) hove desselfs denijs/ en(de) oick voe(r) tgebreck vander rep(ar)acien vand(er) huysingen des/ voirs(creven) hoofs Desgelijcx oick voe(r) tgebreck vand(en) uutdagene en(de)/ uutwy(n)ni(n)ghen van zeke(re)n erfgoeden den voirs(creven) hove toebehoiren(de)/ mits gebreke van betalingen van zeke(re)n chijse uute(n) selve(n) goeden/ gaen(de) Comen en(de) geleyt is tot allen den goeden beide have/ en(de) erve ghevairts van duerne wair die belegen zijn gescr(even)/ is geweest aen den schouthet van he(re)nthals oft zijnen stadhoude(re)/ en(de) v(er)socht den bring(er) vanden selven brieve te leve(re)n alle/ de voirs(creven) goede en(de) te bedwingene den voirs(creven) ghevart en(de)/ alle ande(re) handen dair aen slaen(de) die te lichten en(de) af te/ doene bij alsoe oft de voir(creven) ghevairt oft yemant anders/ dair jegen yet hadden willen seggen oft de voirs(creven) scepen(en)/ brieven invalide(re)n dat zij des tot eenen zeke(re)n dage dair/ toe gestelt te loeven(e) comen wae(r) rechts plegen op heden/ dienen(de) mits uutstelle van rechte Aldair de voirs(creven) ghevairt/ niet comen en is noch ande(re) van zijnen wegen den voirs(creven)/ denijs melgiers comp(ar)e(re)nde en(de) trecht voirts v(er)sueken(de) Soe/ wijsden de he(re)n scepen(en) van loeven(e) t(er) manissen smeyers voe(r)/ een vo(n)nis ierst aengehoirt bouduijn bellens des(er) stad bode/ die clairde bij zijnen eede dien hij tot zijnre officien gedaen/ hadde dat de diene(r) des schouth(eits) van he(re)nthals dexecucie vand(en)/ v(er)sueckbr(ieve) gedaen hadde en(de) p(ar)tien dach van rechte besceiden/ nae inhouden des v(er)sueckbr(ieve) bij alsoe de wederp(ar)tie vand(en)/ geleydden niet en quame(n) ten opstaene van hen meye(re) en(de)/ scepen(en) datmen den voirs(creven) geleydden vand(en) voirs(creven) goeden houden/ soude inde macht van zijnen scepen(en) br(ieve) en(de) beleyde zoe v(er)re/ dat noch voe(r) hen comen is cor(am) o(mn)ib[(us)] scab(inis) in scampno dempt(is)/ schoonvorst borch junii ultima