Nae dien hugues rengairt ter eende(re) ende/ de mo(m)boren vanden kinde(re)n ewaerts francke/ voert ter ande(r) zijden comen zijn bijden/ raide vander stadt van loeven(e) aldaer de/ selve hugues versocht te weten(e) wie de/ ghene was oft wie hem betijden woude/ van quaden eede hij compareerde om hem/ in dien te verantwoirden aengesien dat hij/ zijn ee(re) liever hadde dan gelt oft goet/ ende de voirs(creven) mo(m)boren seyden dat zij/ anders niet versocht en hadde(n) noch alnoch/ en deden dan dat de voirs(creven) hueghens/ hen tot behoef vanden kinde(re)n ewaerts/ voirs(creven) achtervolgen(de) der terminatie(n) over/ hem gegeven en(de) voe(r) geluften bij hem/ gedaen voldoen soude ende den raide/ vander stadt gesien hebben(de) dbescrijven/ daer mede hueges compareerde ende/ oick die terminatie van voe(r) gegeven/ metter geluften bij hem gedaen ende/ geconsidereert allen sghens desmen in/ desen behoorde te considere(re)n soe es
//
getermineert en(de) uutgesproken datmen midts der/ comparitien van huegues niet en bevindt dat/ hij van eenege(n) quaden eeden in desen gedaen/ te hebben(e) te betijden(e) es maer schuldich sal/ zijn achtervolgen(de) der terminatien over hem/ gegeve(n) naerder tantwoerden(e) vanden welcke(n)/ de selve huegues versocht acte proteste(re)nde/ voorts van injurien en(de) van costen ende om/ naerder tantwoerden seyde hij datmen niet/ bevi(n)den en soude dat hij in zijne(n) p(ro)pe(re)n/ name den kinderen ewaerts franckefoirt/ geduempt was maer was waer dat/ mijn genadige vrouwe met diverse(n) hue(re)n/ brieven daer van hij den lesten nutertijt/ remonstreerde begheert hadde datmen hem/ vanden arreste daer inne hij was ontslaen/ soude wantmen merckelijcken bevinden/ soude dat dat arrest bij hen gedaen/ geboert was ten tijde dat hij reysde/ ter dachvaert van allen den landen bescreve(n)/ inder stadt van mechelen in februario/ lestleden Daer op de voirs(creven) mombo(r)en/ lieten blijcken mette(n) acten vande(n) gewijsde(n)/ dat de voirs(creven) huegues hem gecondampn(eer)t/ was ende soe werdde getermineert/ en(de) uutgesproken dat de voirs(creven) huegues/ schuldich zoude zijn den voirs(creven) mombo(r)en/ tot behoeff vanden kinde(re)n ewaerts te/ voldoen(e) oft daer voe(r) in hachten te/ gaen(e) nae den welcken de voirs(creven) hueges/ appelleerde vanden gewijsden Act(um) in/(con)silio opidi octobris xxix