Condt zij allen lieden dat jan van haenwijck/ barbier ter eende(re) en(de) kaerle van zeebroeck als/ man en(de) mo(m)boir jouffr(ouwen) katlijne(n) mordant zijnd(er)/ huysvrouwe(n) t(er) ande(r) zijden in jegenwoerdicheden/ der scepen(en) van loeven(e) gestaen hebben gekent en(de)/ gelijdt dat zij met malcande(re)n eendrachtelijck ende/ mynlijck ov(er)comen en(de) eenswordden zijn als van twee/ steynen mue(re)n den eene(n) steyne(n) muer daer aff/ staen(de) tusschen beyde de huysen der voirs(creven) twee/ p(ar)tijen gelijck de voirs(creven) twee huyse(n) bij een gelege(n)/ zijn inde borchstrate tusschen de goede aerts/ de cleppe(re) t(er) eende(re) en(de) de goede henricx [vacat]/ ter ande(r) zijde(n) Ende den ande(re)n muer staen(de) aen(de)/ dijle aldaer acht(er) tusschen beyde de erve(n) der/ voirs(creven) twee p(ar)tijen inder manie(re)n hier nae volgen(de)/ Inden iersten dat de voirs(creven) twee p(ar)tien en(de) hue(re)/ erfgenaem(en) beyde de voirs(creven) mue(re)n van nu voortae(n)/ tewigen dagen te gelijcke gebruycken zulle(n) en(de)/ zoe wie vand(en) voirs(creven) twee p(ar)tije(n) oft hue(re) erfg(enamen)/ oft possesseurs der selv(er) huysen naemaels/ hooger metsen oft ty(m)meren willen op den/ steynen(en) muer staen(de) tusschen beyde de voirs(creven)/ huysen oft oick opden achtersten muer dat/ sal eenyegelijck van hen moege(n) doen ten/ coste en(de) laste vanden ghenen die alsoe sal/ willen metsen oft ty(m)me(re)n hier inne bevorw(er)t/ dat de voirs(creven) jan va(n) haenwijck t(er) stont/ als den muer staen(de) tusschen beyde de voirs(creven)/ huysen volmaect sal wesen en(de) zijnen eysch/ hebben sal op den selven muer sal doe(n) make(n)/ en(de) leggen een behoorlijcke loote(n) gote en(de) inde/ selve loote(n) gote ontfange(n) alle dwat(er) comen(de) van/ beyde den voirs(creven) huysen alsoe dat den huyse/ desselfs karels van zeebroeck zijnder huysvr(ouwe)/ en(de) hue(re)n kynde(re)n daer aff gheen scade en come/ noch en gesciede en(de) tselve water van beyde den/ voirs(creven) huyse(n) comen(de) sal de voirs(creven) jan va(n) haenwijck/ zijn erfgenaem(en) en(de) possesseurs va(n) zijne(n) voirs(creven)
//
huyse en(de) hove va(n) nu voortaen teeuwijgen dagen/ leyden achterweerts over derve desselfs jans/ van haenwijck tot inde dijle Item oft den/ voirs(creven) kaerle van zeebroeck jouffrouwen/ katlijnen mordant zijnder huysvrouwe(n) hue(re)n/ erfgenaem(en) oft possesseurs van hue(re)n voirs(creven) huyse/ beliefde aen beyde de voirs(creven) mue(re)n en(de) oick/ aen alsulcken gestijpte oft muer dwelck/ de voirs(creven) kaerle en(de) zijn huysvr(ouwe) oft hue(re) erf/ genaem(en) oft possesseurs van hue(re)n voirs(creven) huyse/ naemaels geliefde te doen stellen en(de) maken/ voe(r) ende inde stadt vander traelgien alsnu/ staen(de) tusschen de selve twee mue(re)n oft enege/ steynen oft houten afseten dat zij die tot/ hue(re)n coste zulle(n) moegen doe(n) maken en(de) stellen/ op derve des voirs(creven) jans van haenwijck/ Behalven dat dwater aldaer onder de selve/ afseten op derve des voirs(creven) jans va(n) haenwijck/ zijne(n) loop hebben sal tewijgen daghen/ Ende va(n) nu voortaen zullen de voirs(creven)/ jan van haenwijck ende zijn erfgenaem(en)/ ter eende(re) kaerle van zeebroeck jouffr(ouwe)/ katlijne mordant zijn huysvrouwe ende hue(re)/ erfgenaemen possesseurs der voirs(creven) goeden ter/ ande(r) zijden de voirs(creven) mue(re)n en(de) looten(en) gote/ als die gemaect zijn zullen voortaen tot/ ewigen dagen te gelijcken coste houden/ zullen in goeden state ende reparatien/ niet tegenstaen(de) dat de voirs(creven) [afseten] gestelt/ zullen wordden op derve des voirs(creven) jans/ van haenwijck Ende alle dese voerw(er)den en(de)/(con)ditie(n) hebben de selve jan van haenwijck/ ter eende(re) kaerle va(n) zeebroeck en(de) jouffr(ouwe)/ katlijne zijn huysvrouwe t(er) ande(r) zijd(en) malcande(re)n/ gelooft voe(r) hen hue(re)n erve(n) en(de) nacomelinge(n) altijt/ goet vast gestentich o(n)verbrekel(ijck) en(de) van weerd(en)/ te houd(en) en(de) te hebben tot ewige(n) dage(n) t(am)q(uam) ass(ecutu)[m]/ cor(am) zedele(re) grave(n) octobr(is) iiii