Nae dien ph(ilip)s pinnock lieuten(ant) des meyers/ van loeven(e) hadde doen aentasten jannen/ baten buyten poorte(r) des(er) stadt van loeven(e)/ woenen(de) tot lichter en(de) dat voe(r) sekere kue(re)n/ en(de) bruyken die de selve ph(ilip)s seyde bijden selve(n)/ jannen gep(er)petreert te sijne tot lichter den welcke(n)
//
janne(n) de voirs(creven) ph(ilip)s hadde doen haele(n)/ uuyt eens poerters huys geheeten jan/ van hattert daer hy sat en at en(de) dronck/ om sijne(n) penninck en(de) alsoe de selve poerte(r)/ trecht des(er) stadt versueken(de) begheren(de)/ daer omme bijd(er) stadt te sijne en(de) bijder/ stadt comen(de) soe gaf de voirs(creven) jan te/ kinnen(e) hoe hij ph(ilip)s voirs(creven) hem aengetast/ hadde voe(r) seke(re) kue(re)n alsoe hij seyde/ en(de) hem uuyt eens poirters huyse/ gehaelt tegen des(er) stadt recht es en(de)/ der vrijheyt vand(er) poerterije(n) der/ selver concluderende dair omme dat/ de lieuten(ant) voirs(creven) sculdich soude sijn he(m)/ weder omme te leve(re)n ter plaetsen daer/ hy aengetast was hem gedragen(de) totte(n)/ rechte en(de) aenroepen(de) der vrijheyt der/ poerterie(n) des(er) stadt Waer op ph(ilip)s/ voirs(creven) antwoirde en(de) seyde dat hy den/ voirs(creven) janne(n) t(er) goeder causen aengetast/ hadde want voe(r) kue(re)n en(de) bruyken/ was die hij inde voirs(creven) plaetse gep(er)petre(er)t/ hadde en(de) want hij den kuer den hee(re)/ niet opgedragen en hadde soe mochte/ hij hem wel aentasten en(de) aengaen(de) dat/ hij den poirte(r) soude uuyt eens poirters/ huyse gehaelt hebbe(n) dwelck soude teg(en)/ des(er) stadt recht sijn dair op seyde/ ph(ilip)s voirs(creven) dat tegen des(er) stadt recht/ niet en was want hij jan voirs(creven) tvoirs(creven)/ delickt soude gedaen hebben in eens
//
poirters huys by nachte en(de) bij ontijde/ en(de) alsoe dits poirters huyse ontvrijt/ seggen(de) want hij eens poirters huyse/ ontvrijdt heeft dat hij in egheen poirters/ huyse vrij wesene(n) sal en(de) hem alsoe ter/ goeder saken uuyt eens poirters huyse/ gehaelt en(de) aengetast te hebben(e) hem/ des gedragen(de) totten rechte En(de) de/ voirs(creven) jan p(er)sisteren(de) in sijn voirnemen(e)/ begheren(de) recht en(de) terminatie soe/ dat den raedt h(ier) op geledt hebben(de)/ t(er)mineerde dat ph(ilip)s voirs(creven) sculdich/ soude sijn den gevangen(e) te leve(re)n ter/ plaetsen daer hy dien hadde doen/ aentasten cor(am) oliviers s(u)b(stitu)[to] burg(imagistr)[o] et/ cav(er)son burgim(a)g(ist)ro zedele(re) costere scab(inis)/ roelofs zoeten mille coste(re) et aliis de/(con)silio septembris xxiiii