Item te comen(e) totter zoeninghen vanden dootslage/ bij jannes van bruyckem zone wijlen goessens/ geboren bij bo(m)mel int lant van gelde(re) gedaen/ inden p(er)soen gielijs wijlen de vos zaligher/ memorien soe heeft gelooft florijs wijchma(n)s/ renu(n)c(ians) (et)c(etera) inden naem ende van wegen des/ voirs(creven) jannes voe(r) de zalicheit der zielen/ des voirs(creven) wijlen gielijs naevolgen(de) den peyse/ daer op gemaect op zoenbreke en(de) peysbreke/ des voirs(creven) jannes van bruyckem te zijne aerde/ de vos janne bartholomeeus janne peysma(n)/ ind(en) naem va(n) hem selven en(de) van wegen
//
joos peysmans zijns vaders en(de) henricks [de pape geheete(n)] pauwels/ zijns neven nu absent zijnde die de selve jan/ peysman in desen gelooft heeft te vervanghen/ als naeste maghen en(de) vrienden des voirs(creven)/ gielijs wijlen de vos boven alsulcke twintich/ peet(er)s te xviii stuv(er)s tstuck die de voirs(creven)/ florijs wijchma(n)s eensdeels in gereede(n) pe(n)ninghen/ betaelt heeft en(de) eensdeels met pande(n) te doen(e)/ des hier nae volght Ende ierst ter stont/ te doen celebre(re)n int godshuys vanden augustijne(n)/ te loeven(e) tgebet van vierdalff hondert cloost(er)s/ It(em) terstont een xxx[te] It(em) noch in elcke vande(n)/ vijff p(ro)chien te loeven(e) te leve(re)n een wassen kerse/ van eenen ponde ende tot dien noch een misse/ van requiem eens te doen celebre(re)n al voe(r) de/ zalicheit der zielen des voirs(creven) gielijs wijlen de/ vos cor(am) zedele(re) hoeven septembr(is) xxv