Nae dien de p(ro)cur(eur) vand(en) bogairden der stad va(n) lov(en)/ alh(ier) voe(r) den raide vand(er) stad met br(ieven) betogen hadde
//
de bedesett(er)s van winghe uuyt dien datme(n)/ op hen goeden te winghe gevolgt hadde met/ dagame(n)ten voe(r) tvoldoen van seke(re)n beeden met/ meer gedragen(de) dan twee stuvers en(de) de selve/ p(ro)cur(eur) dries van noyt gemae(n)t geweest en/ hadde maer hadde voe(r) tvoldoen vand(er) selver/ beden de pe(n)ni(n)g(en) gestelt onder wet hopen(de)/ met dien te gestaene ende des geliefde/ he(m) toecht Dair op de bedesetters antwoerd(en)/ seggen(de) dat sij die ghene niet en waren/ die den voirs(creven) p(ro)cur(eur) oft goidshuyse yet/ eysschen(de) waren noch oick die ghene/ die op hen goeden gevolgt hadden mair/ allenlijck die bede gesedt mair was/ wel waer dat dair inhaelders wa(r)en die/ noemen(de) bij naeme en(de) toenaeme ende alsoe/ verre als den p(ro)cur(eur) beliefde die te bescrijvene/ dat hij dat doen mochte want sij bereet/ wa(r)en hen bij eede te purger...ne(n)? dat van/ alles tghens des vand(en) dagame(n)te gebue(r)t/ was sij niet en wisten mair allene hue(r)er derder/ die bede daer die questie uuytrijsende was/ gesedt hadden hopen(de) tonrechte alh(ier) bescrijve(n) te/ sijne hen des r(e)fereren(de) totten rechte met meer/ woirden ter eender en(de) ter and(er) sijd(en) gealleg(eer)t/ Ende soe werdde get(er)mi(n)ne(er)t ende uuytgesproken/ dat de voirs(creven) bedesetters schuldich souden sijn/ ten naisten daighe die ghene te bringen(e)/ die de rechtworderi(n)ge gedae(n) hadden daer/ voe(r) mentie af gemaeckt is om die gehooirt/ ind(er) sake(n) ged(aen) te wordden(e) soe behoire(n) sal act(um) in (consili)[o] octobr(is) xxi