Want ten vervolghe meertens van nuesberghe droechsceerd(er)s/ trecht en(de) actie hebben(de) vand(en) beleyde gedaen bij adriaen(e)/ boet tot allen den goeden beyde en(de) erve jans wijle(n) boene/ voe(r) dwettich gebreck vand(en) gelufte(n) van ontlastinghen/ en(de) ontheffingen van zeke(re)n erfgoede(n) en(de) va(n) afleggen(e) van/ eend(er) amen wijns erfpachts (et)c(etera) met symoen(e) bellens/ henricke capellaens vorste(r) ons genad(ichs) hee(re)n dach van/ rechte heeft doen besceyden janne boene zone des voirs(creven) / jans wijlen boene hee(re)n everarde p(rie)ste(r) coste(r) va(n) s(in)[te]/ machiels te loeven(e) gheerken de wagema(n) inde scrijnstrate/ die zeke(re) haeflijcke goeden des voirs(creven) wijle(n) jans boene/ in zijne(n) huyse hadde en(de) voort alle ande(re) hue(r) hande(n) bevole(n)/ te lichten vand(en) selven bij alsoe oft de selve wederp(ar)tijen/ oft yema(n)t anders daer jegen yet hadde(n) willen seggen/ oft allige(re)n oft de voirs(creven) scepen(en) brieve(n) invalide(re)n dat zij des/ op heden come(n) wa(r)en inde banck voe(r) meye(re) en(de) scepen(en) van/ loeven(e) rechts plegen Ald(air) de selve wederp(ar)tije(n) niet come(n)/ en zijn noch ande(re) van hue(re)n wegen den voirs(creven) meerten(e)/ va(n) nuesberge compare(re)nde en(de) trecht voorts v(er)suecken(de) soe/ wijsden de hee(re)n scepen(en) van loeven(e) ter manissen smeyers/ voe(r) een vo(n)nisse tyerst aengehoort den voirs(creven) henricke/ capellaens die claerde bij zijne(n) eede dat hij de voirs(creven) execu(ti)[e]/ en(de) hantlichtinge den voirg(enoemde) p(ar)tije(n) gedae(n) hadde en(de) hen op/ heden dach van rechte besceyden datme(n) den voirs(creven)/ geleydde(n) zoe v(er)re de voirs(creven) zijn wed(er)p(ar)tije(n) niet en quame(n)/ ten opstaen(e) van hen meye(re) en(de) scepen(en) vand(en) voirs(creven) goeden/ houden soude inde macht vand(en) voirs(creven) beleyde zoe v(er)re/ dat noch voe(r) scepen(en) come(n) es cor(am) zedele(re) blanckairt grave(n)/ coste(re) septe(m)br(is) xxviii